అనకాపల్లి జిల్లా,మాడుగుల మండలం, ఒమ్మలి గ్రామంలోని రామాలయ ప్రాంగణంలో బుధవారం రాత్రి ఆధ్యాత్మిక సందడి నెలకొంది. శ్రీమాన్ దివ్య అమృత సాయి స్వామి వారు నిర్వహించిన మంగళాశాసన కార్యక్రమం భక్తులను విశేషంగా ఆకట్టుకుంది.
ఈ కార్యక్రమానికి ప్రముఖ విద్యావేత్త ఆచార్య ముర్రు ముత్యాల నాయుడు గారు ప్రత్యేక ఆహ్వానితులుగా హాజరయ్యారు. ఆయన సమక్షంలో జరిగిన ఈ సత్సంగంలో గ్రామస్తులు పెద్ద సంఖ్యలో పాల్గొన్నారు.
శ్రీ దివ్య అమృత సాయి స్వామి వారు తన ప్రవచనంలో పలు కీలక అంశాలను బోధించారు: భగవంతుని పట్ల నిశ్చలమైన భక్తిని కలిగి ఉండటం వల్ల కలిగే మానసిక ప్రశాంతతను వివరించారు. పిల్లల భవిష్యత్తుకు కేవలం చదువు మాత్రమే సరిపోదని, దానికి ఆధ్యాత్మికత తోడైతేనే ఉత్తమ పౌరులుగా తీర్చిదిద్దబడతారని హితవు పలికారు.నత్య జీవితంలో ఆధ్యాత్మికతను ఒక భాగం చేసుకోవడం ద్వారా ఒత్తిడి లేని సమాజాన్ని నిర్మించవచ్చని పేర్కొన్నారు.
మంగళాశాసనములతో ప్రారంభమైన ఈ కార్యక్రమం భక్తులకు నూతన ఉత్తేజాన్ని ఇచ్చింది. ఈ కార్యక్రమంలో గ్రామ పెద్దలు ప్రజలు భక్తులు చుట్టుపక్క గ్రామాల పెద్దలు, ప్రజలు పాల్గొని కార్యక్రమాన్ని విజయవంతం చేశారు.
0 కామెంట్‌లు