బంగాళాఖాతంలో అల్పపీడనం.. ఏపీలో భారీ వర్షాలు.. ఈ జిల్లాలకు అలర్ట్!
విశాఖపట్నం: బంగాళాఖాతంలో ఏర్పడిన అల్పపీడనం బలపడుతుండటంతో ఆంధ్రప్రదేశ్‌లో వర్షాలు మరింత పెరిగే అవకాశం ఉందని భారత వాతావరణ శాఖ (IMD) హెచ్చరించింది. సెప్టెంబర్ 22 నుంచి 25 వరకు కోస్తాంధ్రలో పలుచోట్ల భారీ నుంచి అతి భారీ వర్షాలు కురిసే అవకాశం ఉంది.
సెప్టెంబర్ 22న శ్రీకాకుళం, పార్వతీపురం మన్యం, విజయనగరం, విశాఖపట్నం, అనకాపల్లి, కాకినాడ జిల్లాల్లో భారీ నుంచి అతి భారీ వర్షాలు కురిసే అవకాశం ఉంది. అల్లూరి సీతారామరాజు, కోనసీమ, ఏలూరు జిల్లాల్లోనూ భారీ వర్షాలకు అవకాశం ఉంది.
సెప్టెంబర్ 23, 24 తేదీల్లో కాకినాడ, కోనసీమ, తూర్పుగోదావరి, పశ్చిమగోదావరి, కృష్ణా జిల్లాల్లో కొన్ని ప్రాంతాల్లో అతి భారీ వర్షాలు కురిసే అవకాశం ఉందని IMD తెలిపింది. విశాఖపట్నం, అనకాపల్లి, అల్లూరి సీతారామరాజు, ఏలూరు, ఎన్టీఆర్ తదితర జిల్లాల్లోనూ భారీ వర్షాలు పడే అవకాశం ఉంది.
తీర ప్రాంతాల్లో బలమైన గాలులు వీచే అవకాశం ఉండటంతో మత్స్యకారులు సముద్రంలోకి వెళ్లవద్దని వాతావరణ శాఖ సూచించింది. వాతావరణ పరిస్థితులను ప్రజలు ఎప్పటికప్పుడు గమనిస్తూ అప్రమత్తంగా ఉండాలని అధికారులు సూచిస్తున్నారు.
మరిన్ని స్థానిక వార్తల కోసం: Madugula 9 News ఫాలో అవ్వండి. https://madugula9news.blogspot.com
0 కామెంట్‌లు